नगर : जिल्हा परिषदेच्या पंचवार्षिक निवडणुकीसाठी आढळगाव जिल्हा परिषद गटासाठी अनुसूचित जाती या प्रवर्गाचे आरक्षण निघाले आहे. हे आरक्षण वादाच्या भोवर्यात सापडण्याची शक्यता आहे. या आरक्षणावर दोन हरकती दाखल करण्यात आल्या आहेत.
जिल्हा परिषद व पंचायत समितीच्या निवडणुकीसाठी नुकतीच आरक्षण सोडत काढण्यात आली. हि प्रक्रिया पार पाडताना जिल्हा प्रशासन चुकल्याने गोंधळ उडाला कारण २००२नंतर जो गट आरक्षित झाला होता.
तो गट वगळबन आरक्षण काढायचे असे असताना आढळगाव जिल्हा परिषद गटात २००७साली अनुसूचित जातीचे प्रवर्गासाठी आरक्षण झालेले असताना पुन्हा २०२२ला हा गट आरक्षित करण्यात आला.
यामुळे गोंधळ उडाला आहे. या गटाचे आरक्षण हे २००६च्या राजपत्राला अनुसरून काढले आहे असे अधिकारी सांगतात मात्र या राजपत्रात हा गट २००७साली नागरिकांचा मागास प्रवर्ग महिला असल्याची नोंद केली असल्यामुळे हा गोंधळ झाला आहे.
त्यामुळे या गटाचे आरक्षण बदलण्यासाठी हरकती दाखल झाल्या आहेत तर काहींनी राज्य निवडणूक आयोगाकडे तक्रार दाखल केली आहे. त्यामुळे या गटाचे आरक्षण बदलण्याची दाट शक्यता निर्माण झाली आहे
Post a Comment