जिल्हा परिषद कर्मचारी पतसंस्थेसाठी 91.13 टक्के मतदान

नगर ः जिल्हा परिषद कर्मचारी पतसंस्थेच्या 21 जागांसाठी आज मतदान प्रक्रिया शांततेत पार पडली. यामध्ये एकूण 91.13 टक्के मतदान झाले आहे.

या निवडणुकीत श्री पावन गणेश मंगलमूर्ती व जय श्री गणेश पॅनल यांच्यात लढत झाली. जिल्हा परिषद कर्मचारी पतसंस्थेच्या मुख्यालय मतदार संघातून दोन, महिला राखीव मतदार संघातून दोन, तालुका मतदार संघातून प्रत्येकी ए असे चौदा तालुक्यातून १४, इतर मागास वर्ग मतदारसंघातून एक, अनुसुचीत जाती जमाती मतदार संघातून एक, वि.जा.भ.ज मतदार संघातून एक या पद्धतीने २१ जागांसाठी मतदान पार पडले. 

एकूण २५३८ मतदारापैकी २३१३ मतदारांनी आपला मतदानाचा हक्क बजावला आहे. एकूण ९१:१३ टक्के मतदान झाले आहे. या सोसायटीमधे एकुण निवडले जातील या करीता एकूण ६९ उमेदवार या निवडणुकीत उमेदवारी करत होते.

निवडणुक निर्णय अधिकारी तथा उप निबंधक सहकारी संस्था के. आर. रत्नाळे तसेच सहाय्यक निवडणूक निर्णय अधिकारी म्हणून मुख्य लिपीक संजय बनसोडे व गणेश सावंत यांनी काम पाहिले.

येथील पटेल मंगल कार्यालय तसेच जिल्ह्यातील १४ पंचायत समिती येथे आज मतदान शांततेत पार पडले. सोमवार (ता. 20)ला  सकाळी आठ वाजता पटेल मंगल कार्यालय येथे मतमोजणी होणार आहे.