नगर ः येथील दाळ मंडई, विठ्ठल रुख्मिणी मंदिरात तिळवण तेली समाज ट्रस्टतर्फे सालाबादप्रमाणे नवरात्रौत्सव मोठ्या उत्साहात साजरा करण्यात येत आहे. दरवर्षीप्रमाणे यंदाहीनऊ दिवस देवीची रुपे साकारण्यात येत आहेत. यानिमित्त विविध धार्मिक कार्यक्रमांचे आयोजन करण्यात आले आहे.
दैनंदिन पूजा- आरती, शनिवार दुपारी तीन वाजता कुंकुमार्चन कार्यक्रम, रविवार माता की चौकी हा कार्यक्रम होणार आहे. सोमवारी शेषशाही अलंकार पूजा, मंगळवारी भवानी तलवार नित्योपचार पूजा, सामुहिक सप्तपदी पाठ, बुधवारी महिशासूर मर्दिनी अलंकार पूजा, वैदिक होमास प्रारंभ, गुरुवार महानवमीनिमित्त सकाळी व सायंकाळी विशेष आरती होणार आहे.
शुक्रवारी विजया दशमीनिमित्त सायंकाळी सिमोलंघन आदी कार्यक्रमांचे आयोजन करण्यात आले होते. तसेच दररोज दुपारी चार वाजता सरस्वती भजनी मंडळाचा कार्यक्रमहोईल. सायंकाळी सात वाजता देवीची संबळ वादनावर आरती करण्यात येत आहे, अशी माहिती ट्रस्टचे अध्यक्ष सागर काळे यांनी दिली.
हा नवरात्रोत्सव यशस्वीतेसाठी ट्रस्टचे उपाध्यक्षा निता लोखंडे, सचिव सचिन शेंदूरकर, खजिनदार प्रकाश सैंदर, विश्वस्त प्रसाद शिंदे, गोकूळ कोटकर, दत्तात्रय डोळसे, मनोज क्षीरसागर, शशिकांत देवकर, शोभना धारक आदि पदाधिकारी प्रयत्नशील आहेत. दररोज देवीची सजावट व पुजा रामभाऊ माकुडे हे करत आहेत.
कोरोना नियमांचे पालन करुन कार्यक्रमांचे नियोजन केले असल्याचे उपाध्यक्षा निता लोखंडे यांनी सांगितले.
Post a Comment